काठमाडौं - प्रधानमन्त्री केपी शर्मा ओलीले कोरोनाभाइरस नियन्त्रणका लागि लगाएको लकडाउन नसकिएको बताएका छन् ।
वैकल्पिक शिक्षा प्रणालीको उद्घाटनका लागि शुभकामना सन्देश दिँदै उनले लकडाउन अन्त्य भएको होइन केही खुकुलो भने बनाएको बताए । त्यस्तै उनले शैक्षिक गतिविधिमा प्रविधिको प्रयोगलाई नयाँ अवसरका रुपमा लिनुपर्ने बताएका छन् । उनले कोरोना महामारीका कारण नियमित पठनपाठन रोकिएका बेला वैकल्पिक सिकाई प्रविधिको प्रयोगलाई महत्व दिनुपर्छ ।
विकासको पहुँच समान नभएको नेपालमा प्रविधिको पहुँच पनि समान नभएको तर्फमा आफू सचेत रहेको तर जहाँ जे सम्भव छ त्यसको प्रयोग गरिनुपर्ने उनले बताए । उनले प्रत्यक्ष स्वअध्ययन, रेडियो, टेलिभिजन, अनलाइन र अफलाइन प्रणालीबाट सिकाईलाई निरन्तरता दिइने बताए ।
काेराेना भाइरसकाे संक्रमण क्रमश दिनानुदिन बढ्दाे अवस्थामा रहेकाे बेलामा सबै नेपालीलाई सचेत रहन आग्रह गरेका छन् । साथै मनखुसी गरेमा परिवार र पूरै समाजमा समेत समस्या आउने भन्दै प्रधानमन्त्री ओलीले सबैलाई सचेत रहन पनि अनुरोध गरेका छन् ।
