काठमाडाैं - नेपालमा पछिल्लो २४ घण्टामा ६ सय ७१ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नेपालमा कुल संक्रमितको संख्या ७ हजार ८ सय ४८ पुगेको पुष्टि गरे। अाज भेटिएका संक्रमितहरूमा ५ सय ९१ जना पुरूष र ८० जना महिला रहेका छन् । यस्तै कुल संक्रमित मध्ये ७ हजार २ सय २९ जना पुरुष र ६ सय १९ जना महिला छन्।
नेपालमा हालसम्म १ हजार १ सय ८६ जना उपचारपछि निको भएका छन्। पछिल्लो २४ घण्टामा १९ जना डिस्चार्ज भएका हुन् । मन्त्रालयका अनुसार कुल निकाे हुनेहरूमा १ हजार ७२ जना पुरूष र १ सय १४ जना महिला रहेका छन् ।
नेपालका ७४ वटा जिल्लामा काेराेनाकाे संक्रमण फैलिसकेकाे छ । नेपालमा काेराेनाका कारण मृत्यु हुनेकाे सँख्या २२ पुगेकाे छ ।
