बागलुङ जिल्लाको काठेखोला गाउँपालिका–४ तङ्ग्राम फापरखेतमा अविरल वर्षासँगै आएको पहिरोले पुरिएर आज एक महिलाको मृत्यु भएको छ। फापरखेतको थोत्नेरीमा वर्षासँगै आएको पहिरोले ३८ वर्षीया विमला पुनको मृत्यु भएको हाे।
पहिरोमा घरधनी टीका पुनसहित अरू परिवारका सदस्यले ज्यान जोगाए पनि श्रीमती विमला पुन बेपत्ता भएका थिए। बेपत्ता पुनको प्रहरी र नेपाली सेनाले खोजी गर्दा मृतावस्थामा आज दिउँसो मात्रै फेला पारेको जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक राजेन्द्र रेग्मीले जानकारी दिए।
