काठमाडौं– जनता समाजवादी पार्टीका नेताहरू र नेपाली कांग्रेसका सभापति शेरबहादुर देउवाबीच भेटवार्ता भएको छ।
मंगलबार जसपाका अध्यक्षद्वय महन्थ ठाकुर, उपेन्द्र यादव, नेताहरू बाबुराम भट्टराई, राजेन्द्र महतोलगायत सभापति देउवालाई भेट्न बुढानिलकण्ठ पुगेका थिए।
सभापति देउवाका सहयोगी भानु देउवाका अनुसार उनीहरुबीच समसामयिक राजनीतिक घटनाक्रम, नागरिकता विधेयकलगायत विषयमा करिब एक घण्टा छलफल भएको थियो।
