अजोड इन्स्योरेन्सको आइपिओ (साधारण सेयर) आजबाट खुला भएको छ । अजोडले ३० करोड रुपैयाँको आइपिओ खुला गरेको हो ।
अजोडले कुल ३० लाख कित्ता आइपिओमध्ये १ लाख २० हजार कित्ता कर्मचारी र १ लाख ५० हजार कित्ता सामूहिक लगानी कोषलाई छुट्याएको छ । बाँकी रहेको २७ लाख ३० हजार कित्तामा मात्र सर्वसाधारणले आवदेन दिन पाउनेछन् ।
अजोडको इन्स्योरेन्समा आस्वा सदस्य भएका सबै बैंक तथा वित्तीय संस्था र मेरो सेयरबाट न्यूनतम १० कित्तादेखि १० हजार कित्तासम्मका आवेदन सकिने छ । अजोडको आइपिओमा असार २९ गतेसम्म आवेदन दिन सकिनेछ । यस अवधिमा सबै सेयरका लागि आवेदन नपरे साउन ८ गतेसम्म आवेदन दिन पाइनेछ ।
केयर रेटिङ नेपालले अजोडको आइपिओलाई औसतभन्दा कम आधार जनाउने ग्रेड ४ प्लस रेटिङ दिएको छ । यसको बिक्री प्रबन्धकको काम एनआइबिएल एस क्यापिटलले गरेको छ ।
