भारतीय अभिनेत्री श्रद्धा कपूरको इन्स्टाग्राममा ५ करोड फलोअर्स पुगेका छन् । कपुरलाई ५ करोडले पछ्याएपछि भारतीय सञ्चार माध्यमहरुले सामाजिक सञ्जालमा उनको यो प्रगति नयाँ ‘माइलस्टोन’ साबित भएको प्रतिक्रिया दिएका छन् ।
अभिनेत्री कपूरले आफ्नो शानदार अभिनयको साथै वर्षौंदेखिको दौडधुपको कारण यो स्थानमा पुगेको चलचित्र विश्लेषकहरु बताउँछन् । उनी बलिउड इन्डस्ट्रीमा धेरै मेहेनती र बहुमुखी प्रतिभा भएकी अभिनेत्रीको रुपमा समेत चिनिन्छन् । यो संगै श्रद्धा बलिउड इन्डस्ट्रीमा ५ करोड फलोअर्स भएकी एक मात्र अभिनेत्री हुन् । उनले आफ्नो इन्स्टाग्रामलाई बेलाबेलामा पशुपंक्षीहरुको कल्याण र अधिकारको वकालत गर्ने रुपमा पनि प्रयोग गर्दै आइरहेकी छिन् । कपूरले आफ्नो सकारात्मकताका सोच र छाप छोड्न सफल भएका कारण पनि इन्स्टाग्राममा यति धेरै माया पाएको चर्चा गरिन्छ ।
यसैगरी नेपालमा पनि अभिनेत्रीद्धय प्रियंका कार्की र अदिति बुढाथोकिले पनि इन्स्टाग्राममा १ करोड फलोअर्स बटुलेका छन् ।
