संखुवासभाको सिलिचोङ गाउँपालिका–१ सिसुवाखोलाको बेसिन्दामा गए राति वर्षासँगै आएको पहिराले सात घर बगाएको छ । पहिराका कारण बेसिन्दाका ११ जना बेपत्ता भएको गाउँपालिका अध्यक्ष रामबहादुर कुलुङले बताएका छन् ।
पहिरामा परेका तीन जनाको स्थानीयले उद्धार गरेका छन् । पहिराका कारण वडा कार्यालय र स्वास्थ्यचौकी भवनमा समेत क्षति पुगेको छ । अहिले पनि त्यस क्षेत्रमा लगातार पानी परिरहेका कारण उद्धारमा कठिनाइ भएक छ । घटनास्थलमा प्रहरी नपुगेकाले के कति क्षति भयो भन्ने विवरण नआएको जिल्ला प्रहरी कार्यालय संखुवासभाका प्रहरी प्रमुख नवराज मल्लले बताए । घटनास्थलतर्फ प्रहरी खटाइएको छ ।
