लकडाउनको पछिल्ला ३ महिना गायिका सिर्जु अधिकारी समाज सेवामा सक्रिय रुपमा देखा परिन् । उनी समस्यामा परेका कलाकारदेखि सर्वसाधारण सम्मलाई राहत वितरण गर्न पुगिन् । समाज सेवा गर्दै गर्दाको यो समयबाट थोरै समय निकालेर उनले तीज गीत सार्वजनिक गरेकी छिन् ।
गायिका अधिकारीले ‘हाई मेरी प्यारी’ बोलको मौलिक तीज गीत सार्वजनिक गरेकी हुन् । गायिका सिर्जुलाई अर्की गायिका माण्डवी त्रिपाठीले गायनमा साथ दिएकी छिन् । सार्वजनिक गीतमा कोरोना कहरले निम्त्यिाएको समस्यालाई प्रस्तुत गरिएको छ ।
तीज गीतका नाममा भड्किला गीत सार्वजनिक भैरहेका छन् । चर्चा र भिवर्सका लागि देशको सांस्कृतिक पक्षलाई धुमिल बनाउन नहुने सिर्जुको धारणा छ । कम्तिमा भोलिको पुस्ताले गीतमा तीजको मौलिकता खोज्दा हाम्रो गीत भेटियोस भन्ने सोचले यो गीत सार्वजनिक गरेको सिर्जु बताउँछिन् ।
करण न्यौपानेको शब्द र भाका रहेको गीतमा बिपिन आचार्यले संगीत संयोजन गरेका छन् । अशोक बिकले निर्देशन गरेको गीतको म्यूजिक भिडियोमा गायिका सिर्जु अधिकारी, रक्षा श्रेष्ठ र भीम पौडेलले अभिनय गरेका छन् ।
