धितोपत्र बजारमा आज सेयर कारोबार मापक नेप्से परिसूचक नौ अङ्कले वृद्धि भएको छ । नेपाल स्टक एक्सचेञ्जका अनुसार नेप्से ९०.१ अङ्कले बढेर एक हजार ३४०.२९ मा पुगेको छ । यस्तै सेन्सेटिभ परिसूचक ०.९३ अङ्कले बढेर २८१.४२ मा पुगेको छ ।
स्टकका अनुसार आज सबैभन्दा बढी सूर्योदय लघुवित्त वित्तीय संस्थाका सेयरधनीले ९.९९ प्रतिशतले कमाए । यस्तै स्वरोजगार लघुवित्त विकास बैंक ९.९८, गणपति माइक्रोफाइनान्स वित्तीय संस्था ९.९४, मिथिला लघुवित्त वित्तीय संस्था ९.९३ र एनआइसी एसिया लघुवित्त वित्तीय संस्थाका लगानीकर्ताले ९.८९ प्रतिशतले कमाए ।
आज कूल १७९ कम्पनीका २६ लाख ७८ हजार ५०७ कित्ता सेयर एक अर्ब ११ करोड १० लाख ९० हजार २७२ मा खरिद बिक्री भए । कारोवार भएका कूल १२ मध्ये पाँच उपसमूहको सेयर ओरालो लागेको छ । बैंकिङ १.१४ अङ्कले घट्दा होटल ५३.२२, विकास बैंक ४.०१, जलविद्युत् ०.३८ र सामूहिक लगानी कोष ९.९१ अङ्कले गिरावट आएको छ । व्यापार १.०६, वित्त ६.५४, निर्जीवन बिमा ८०.५४, उत्पादन १७.३५, अन्य ७.७८, लघुवित्त ८२.६४ र जीवन बिमा १९७.२४ अङ्कले बढेको छ ।
कारोबार रकमका आधारमा नेपाल लाइफ इन्स्योरेन्स कम्पनी शीर्ष स्थानमा रह्यो । सो कम्पनीको सेययर १६ करोड ५ लाख ४१ हजार २८३ मा खरिद बिक्री भयो । यस्तै नेपाल पुनर्बिमा कम्पनी १४ करोड ३४ लाख ४८ हजार ४६०, एनआइसी एशिया बैंक ४ करोड ४८ लाख ७५ हजार ९५२, ग्लोबल आइएमई बैंक ४ करोड ४४ लाख ६६ हजार ६५६ र हिमालयन डिष्टिलरी लिमिटेडको सेयर २ करोड ८३ लाख १५ हजार ७१ मा कारोबार भयो ।
परिसूचक बढे पनि तिनाउ मिसन डेभलपमेन्ट बैंकका सेयरधनीले सबैभन्दा बढी ५.७६ प्रतिशतले गुमाए । यस्तै जोशी हाइड्रोपावर ५.५६, सोल्टी होटल लिमिटेड ४.९१, गुह्वेश्वरी मर्चेन्ट बैंक ४.५१, राधी विद्युत् कम्पनी ४.०२ र तारागाउँ रिजेन्सी होटल लिमिटेडका सेयरधनीले ३.५२ प्रतिशतले गुमाए ।
