काठमाडौं - उपत्यकामा पछिल्लो २४ घण्टामा ९ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयकाे नियमित प्रेस ब्रिफिङमा मन्त्रालयका प्रवक्ता डा.जागेश्वर गाैतमले काठमाडौंमा ३ , ललितपुरमा ५ र भक्तपुरमा १ जना कोरोना संक्रमित थपिएकाे बताए ।
उनका अनुसार अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा काठमाडौँका २ जना , शुक्रराज ट्रपिकल तथा सरुवा रोग अस्पतालमा गरिएको परीक्षणमा भक्तपुरका १ जनामा संक्रमण पुष्टि भएको हो।
यस्तै पाटन अस्पतालमा गरिएको परीक्षणमा ललितपुरका ५ जना र त्रि.वि. शिक्षण अस्पतालमा गरिएको परीक्षणमा काठमाडौँका १ जनामा संक्रमण पुष्टि भएको स्वासथ्य मन्त्रालयले जनाएको छ ।
