नेप्से परिसूचक मंगलबार ५.०४ अंकले बढेको छ । १ सय ८६ कम्पनीको ९९ करोड ४५ लाख रुपैयाँभन्दा बढीको कारोबार हुँदा २५ लाख ६८ हजार १२४ कित्ता सेयर खरिदबिक्री भएका छन् ।
कुल १२ उपसमूहको कारोबार भएकामा ५ वटा उपसमूहको सूचक बढेको छ । बाँकी सूचक भने तल झरेको छ । यस दिन करिब आधा दर्जन कम्पनीको सेयर भाउ १० प्रतिशलेले बढेर सकारात्मक सर्किट लागेको छ ।
कारोबार रकमका आधारमा अग्रस्थानमा रहेको नेपाल पुनर्बिमा कम्पनीको ११ करोड रुपैयाँभन्दा बढीको कारोबार भएको हो ।
बैंकमा लगानीयोग्य रकमको तरलता रहेकाले सेयर बजारमा उकालो लागेको छ । साउनदेखि ब्याजदर थप सस्तो हुने भएकाले सेयर बजारले राम्रो गति लिने बैंकरहरुले बताएका छन् ।
