काठमाडाैं- नेपालमा पछिल्लो २४ घण्टामा ३४ जना कोरोनामुक्त भएर घर फर्केका छन् । योसँगै हालसम्म नेपालमा कोरोना मुक्त हुनेको कुल संख्या १० हजार ३ सय २८ पुगेको छ। अहिलेसम्म संक्रमितमध्ये ६०.५३ प्रतिशत निको भइसकेका छन् भने ३८ जनाले ज्यान गुमाएका छन्।
मन्त्रालयका अनुसार नेपालका ७७ जिल्लामा कोरोना संक्रमण फैलिसकेको छ। नेपालमा हालसम्म २४ हजार ७ सय १६ जना क्वारेनटाइनमा रहेका छन् भने ६ हजार ६ सय ९५ जना आइसोलेसनामा रहेका छन् । यस्तै पछिल्लो २४ घण्टामा २५ वटा प्रयोगशालाबाट ४ हजार ३ सय ६१ जनाको पिसिआर बाट नमुना परिक्षण भएको मन्त्रालयको तथ्याङ्ंक छ ।
मन्त्रालयका अनुसार भोजपुर, , मनाङ, मुस्ताङ र हुम्लामा एक जना पनि सङ्क्रमित छैनन् । यी जिल्लामा यसअघि सङ्क्रमित भेटिए पनि ंसंक्रमण पुष्टि भएका सबै निको भएर डिस्चार्ज भएको मन्त्रालयले जनाएको छ । ५ सयभन्दा बढी संक्रमित रहेको जिल्लाहरूमा भने महोत्तरी , कैलाली, बाजुरा र रौतहट छन् ।
यस्तै रेड जोनमा पर्नेको संख्या ५ सय २५ रहेको छ । नेपालमा मंगलबार थप १ सय १६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले देशका विभिन्न प्रयोगशालामा गरिएको परीक्षणमा थप १ सय १६ जना संक्रमित थपिएको बताए । योसँगै नेपालमा कुल कोरोना संक्रमितको संख्या १७ हजार ६१ पुगेको छ ।
