ब्रेसियालाई ६–२ को गोल अन्तरले हराउँदै एटलान्टा इटालियन लिग सिरी एमा दोस्रो स्थानमा उक्लिएको छ ।
गत राति भएको खेलमा एटलान्टाले खेलको २ मिनेटमा नै गोल गरेको थियो । खेलको २ मिनेटमा नै गोल गरेका पसालिकले ह्याट्रिक गरेका थिए ।
ब्रेसियाका अर्नेस्टो टोरेग्रोसाले खेलको ८ औं मिनेटमा बराबरी गोल फर्काए । एटलान्टाका लागि मार्टन डी रुनले २५, मालिनोवस्कीले २८,डुवन जपताले ३० र पसालिकले ५५ र ५९ औं मिनेटमा गोल गरेका थिए ।
ब्रेसियाका लागि स्पेलक्सले खेलको ८३ औँ मिनेटमा १ गोल गरे । जितसँगै ७० अंक बनाएको एटलान्टा युभेन्ट्ससंग ६ अंकले पछि रहेको छ ।
