कोरोना भाईरसका कारण विभिन्न मुलुकमा अलपत्र परेका नेपालीकाे लागि आजबाट तेस्रो चरणको उद्धार कार्यक्रम सुरु भएको छ ।उद्धारका लागि संस्कृति, पर्यटन तथा नागरिक उड्डयन मन्त्रालयले आजदेखि एक सातासम्मको लागि चार्टर्ड उडानको तालिका सार्वजनिक गरेको हाे।
उडान तालिका अनुसार नेपाल एयरलाइन्सको २४ उडान र हिमालयको १५ उडान रहेको छ । आजदेखि नेपाल एयरलाइन्स र हिमालय एयरलाइन्सले चार्टर्ड उडान तालिका बनाएर उडान शुरु गरेका छन् ।
जसमा नेपाल एयरलाइन्सले दुबईमा दुई उडान र हिमालय एयरलाइन्सले आबुधाबीमा दुई उडान गर्ने जनाएको छ ।
एक साताको अवधिमा एयर अरेबिया, फ्लाई दुबईले दैनिक एक उडान र जजिरा एयरले दैनिक दुई उडान गर्नेे मन्त्रालयले बताएको छ । कोरोनाको कारण विभिन्न मुलुकमा अलपत्र परेका नेपालीको उद्धार गर्न सरकारले अनुमति दिएको थियो ।
यी दुवै एयरलाइन्सले अनुमतिअनुसार नै उडान तालिका बनाएर चार्टर्ड उडान भरेका हुुन् ।
