काठमाडाैं- लोकसेवा आयोगले वार्षिक कार्यतालिका सार्वजनिक गरेको छ । आयोगले आज आव २०७७-०८ को पदपूर्तिसम्बन्धी वार्षिक कार्यतालिका सार्वजनिक गरेको हो ।
आयोगले निजामती सेवातर्फ राजपत्रांकित तथा राजपत्र अनंकित, सुरक्षा निकाय र संगठित संस्थाका विभिन्न पदको विज्ञापन मिति, परीक्षा सञ्चालन र अन्तर्वार्तासम्बन्धी कार्यतालिका सार्वजनिक गरेको छ ।
बन्दाबन्दीका कारण आयोगले सुरक्षा निकाय, संगठिन संस्थालगायतको परीक्षा लिन सकेको थिएन । कोभिड–१९ महामारी अन्त्यपछि बाँकी रहेका परीक्षा सञ्चालन गर्ने जनाइएको थियो ।
आयोगले २०७६-०७७ मा बन्दाबन्दीका कारण स्थगित गरिएका परीक्षाको कार्यतालिकासमेत सार्वजनिक गरेको छ । कार्यतालिकामा स्थगित परीक्षा भदौ असोजमा हुने उल्लेख छ ।आयोगको वार्षिक कार्यतालिका सार्वजनिक भएसँगै आयोगको तयारीमा रहेका विद्यार्थीमा उत्साह छाएको छ ।
