काठमाडाैं– बुधबार नेपालमा काेराेना संक्रमणकाे कारण थप एक जनाकाे मृत्यु भएकाे छ। स्वास्थ्य मन्त्रालयकाे नियमित प्रेस ब्रिफिङमा मन्त्रालयका प्रवक्ता डा जागेश्वर गौतमले याेसँगै नेपालमा काेराेनाबाट मृत्यु हुनेकाे संख्या ३९ पुगेकाे जानकारी दिए।
उनका अनुसार रौतहटको पर्रोहा नगरपालिका- ७ का ३६ वर्षका पुरुषको बुधबार दिउँसाे मृत्यु भएकाे हाे।मृतकका दाजुको भारतमा कोरोनाका कारण मृत्यु भएको थियो। उनको अन्तिम संस्कार गरेर असार २४ गते फर्किएका परिवारका सदस्यलाई क्वारेन्टिनमा राखिएको थियो।
त्यसै क्रममा रुघाखोकी, ज्वरो र स्वासप्रश्वासमा समस्या भएपछि ती युवकलाई असार २९ गते वीरगञ्जको नारायणी अस्पतालको आईसीयूमा भर्ना गरिएको थियो।
