मेलम्ची– मेलम्ची खानेपानी आयोजनाको सुरङ परीक्षणका क्रममा बेपत्ता भएका इन्जिनियरको शव भेटिएको छ ।
परीक्षणका क्रममा सुरुङको १७ नं गेट फुट्दा मंगलबार दिउँसो १२ बजे दुई जना बेपत्ता भएका थिए । तीमध्ये अन्दाजी २५ वर्षीय इन्जिनियर सतिस गोहितको शव आज अपराह्न ४ बजे मेलम्ची नगरपालिका–११ स्थित पाल्चोकी क्रसर नजिकै भेटिएको इलाका प्रहरी कार्यालय मेलम्चीका प्रहरी निरीक्षक फलबहादुर तामाङले जनाए ।
अर्का बेपत्ता भएका आयोजनामा कार्यरत अन्दाजी ५५ वर्षीय सवारी चालक राधाकृष्ण थापा मगरको खोजी जारी रहेको पनि उनले बताए ।
