काठमाडौं– धितोपत्र बजारमा आज सेयर कारोबार मापक नेप्से परिसूचक ३२ अंकले बढेको छ । नेपाल स्टक एक्सचेन्जका अनुसार नेप्से ३२.४२ अङ्कले बढेर एक हजार ३९४.७७ मा पुगेको छ । यस्तै, सेन्सेटिभ परिसूचक ६।८१ अंकले बढेर २९५.०६ मा पुगेको छ ।
आज कूल १८० कम्पनीका २९ लाख १४ लाख ५१८ कित्ता सेयर १ अर्ब ४ करोड १७ लाख ७० हजार ८६७ मा खरिदबिक्री भयो । आज कारोबार भएको १२ वटै उपसमूहको सेयर उकालो लागेको छ । बैंकिङ ४०.९९, व्यापार १३.९१, होटल १२.२६, विकास बैंक ६०.०५, जलविद्युत् ९.९२, वित्त १६.८२, निर्जीवन बिमा ७९.३७, उत्पादन ४५.५५, अन्य ६.७९, लघुवित्त ६.४८, जीवन बिमा १३४१.१५ र सामूहिक लगानी कोष ०.०३ अंकले बढेको छ ।
आज कारोबार रकमका आधारमा नेपाल पुनर्बिमा कम्पनी शीर्ष स्थानमा रह्यो । सो कम्पनीको सेयर ९ करोड ४१ लाख ७२ हजार ५६४ मा खरिदबिक्री भयो । यस्तै, एनएमबी बैंकको ८ करोड २७ लाख ५७ हजार ५०८, एनआइसी एसिया बैंकको ५ करोड ६८ लाख २१ हजार ६७३, नेपाल लाइफ इन्स्योरेन्स कम्पनीको ३ करोड ५८ लाख ४८ हजार ३२८, नबिल बैंक लिमिटेड ३ करोड ४ लाख १३ हजार १४६ र ग्लोबल आइएमई बैंकको सेयर २ करोड ५१ लाख ३२ हजार ३५० मा खरिदबिक्री भयो ।
आज सबैभन्दा बढी एनआइसी एसिया लघुवित्त वित्तीय संस्थाका सेयरधनीले सबैभन्दा बढी ९.९६ प्रतिशतले कमाए । यस्तै मितेरी डेभलपमेन्ट बैंक ९.१२, लक्ष्मी बैंक ९.०९, पोखरा फाइनान्स ८.९०, रिलायन्स फाइनान्स ८.२६ र गुराँस लघुवित्त वित्तीय संस्थाका लगानीकर्ताले ८.११ प्रतिशतले कमाए ।
ओरियन्टल होटल लिमिटेडका लगानीकर्ताले ६.३८ प्रतिशतले गुमाउँदा राधी विद्युत् कम्पनी ५.०३, नबिल ब्यालेन्स फण्ड–२ ३.८४, सामुदायिक लघुवित्त वित्तीय संस्था ३.०३, स्वरोजगार लघुवित्त विकास बैंक ३.०३, युनाइटेड मोदी हाइड्रोपावर २.८८ र सपोर्ट माइक्रोफाइनान्स वित्तीय संस्थाका सेयरधनीले २.८२ प्रतिशतले गुमाए ।