काठमाडौं-इंग्लिस प्रिमियर लिगअन्तर्गत बिहीबार राति भएको खेलमा म्यानचेस्टर युनाइटेडले क्रिस्टल प्यालेसलाई हराएको छ ।
युनाइटेडले क्रिस्टल प्यालेसलाई २-० ले हराएको हो । युनाइटेडलाई विजयी बनाउनका लागि मार्कस रासफोर्ड र एन्थनी मार्सियालले एक एक गोल गरेका थिए ।
पहिलो हाफको एन्ज्युरी समयमा रासफोर्डले युनाइटेडलाई अग्रता दिलाएका थिए । खेलको ७८ औं मिनेटमा मार्सियालले थप १ गोल गरे ।
यो जितसँगै ३६ खेलबाट ६२ अंकसहित युनाइटेड ५ औं स्थानमा छ । प्यालेस समान खेलबाट ४२ अंकका साथ १४औं स्थानमा रहेको छ ।
