काठमाडौं– नेपालमा शनिबार ५७ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले देशका विभिन्न ठाउँमा गरिएको कोरोना परीक्षणका क्रममा ५७ जनामा कोरोना पुष्टि भएको बताएका छन् ।
गौतमका अनुसार नेपालमा कोरोना संक्रमितको संख्या १७ हजार ५०२ पुगेको छ । शनिबार थप १०३ जनाले डिस्चार्ज भएर घर फर्किएका छन् । मन्त्रालयका अनुसार ११ हजार ६३७ जना कोरोनामुक्त भएका छन् ।
