काठमाडौं - एफए कप फुटबल अन्तर्गत शनिबार राति भएको खेलमा आर्सनल विजयी भएको छ ।
वेम्बले रंगशालामा भएको खेलमा आर्सनलले म्यानचेस्टर सिटीलाई २–० गोल अन्तरले पराजित गरेको हो ।
एफए कपमा यो पहिलो सेमिफाइनल खेल हो । आर्सनलको जितका लागि उसको कप्तान खेलाडी पियरे–एमरिक औबमेयाङले २ गोल गरेका थिए ।
उनले खेलको १९औं मिनेटमा गोल गर्दै आर्सनललाई अग्रता दिलाएका थिए भने ७१ औं मिनेटमा थप १ गोल गर्दै क्लबको जित पक्का गरे ।
यो संगै आर्सनल एफए कपको फाइनलमा प्रवेश गरेको छ । अब उसले उपाधीका लागि म्यानचेस्टर युनाइटेड र चेल्सीबीच कसले जित्छ उसैसंग प्रतिष्पर्धा गर्नेछ ।
यो खेल २ अगस्टमा हुनेछ ।
