काठमाडौं । गजलकार तथा गीतकार विष्णु विरही श्रेष्ठले ‘पिरतीको गुन्द्री’ बोलको गीत सार्वजनिक गरेका छन् । विरहीको शब्द र दिपकराज विश्वकर्माको संगीत रहेको उक्त गीतमा गायिका बिनी श्रेष्ठ र गायक डेभिड शंकरको युगल स्वर छ ।
गीतमा कार्टुन क्रुजका सरोज अधिकारी र आश्मा विश्वकर्माको अभिनय छ । गीतको म्यूजिक भिडियो युवराज वाइवाको निर्देशनमा तयार भएको छ ।
‘पिरतीको गुन्द्री’मा सरोज र आश्मालाई रोमान्टिक शैलीमा प्रस्तुत गरिएको छ ।
