काठमाडौं । रोजगारीका लागि विश्वको विभिन्न देशमा पुगेका नेपालीको घर mिर्किने क्रम सुरु भएको छ । पछिल्लो आईतबार मात्रै कोरोकाका कारण विदेशमा अलपत्र परेका १ हजार ८० नेपाली स्वदेश फर्किएका छन् । कोभिड–१९ महामारीका कारण विदेशमा अलपत्र परेका नेपालीको उद्धारका लागि भएको चार्टर्ड उडानमार्फत उनीहरू स्वदेश फर्किएका हुन् ।
त्रिभुवन अन्तरराष्ट्रिय विमानस्थलमा आइतबार आवागमन र प्रस्थान दुवैगरी १० अन्तरराष्ट्रिय चार्टर्ड उडान भएका छन् । यी उडानबाट ६ शव पनि नेपाल ल्याइएको छ । नेपाल एयरलाइन्सले दुबईबाट २६६ यात्रु र दुई शव ल्याएको छ । सोही एयरलाइन्सले दोहाबाट १५२ यात्रु र दुई शव ल्याएको छ ।
हिमालय एयरलाइन्सले आबुधाबीबाट १५३ यात्रु र दुई बच्चा तथा दोहाबाट १५५ नेपाली काठमाडौँ ल्याएको विमानस्थल कार्यालयले जनाएको छ । त्यस्तै मालिन्दो एयरले क्वालालम्पुरबाट दुई उडान गरी क्रमशः १७८ र १७६ नेपाली काठमाडौँ ल्याएको छ ।
थप नेपाली ल्याउन नेपाल एयरलाइन्स र हिमालय एयरलाइन्स क्लालम्पुर उडेको विमानस्थल कार्यालयले जनाएको छ । सोमबार पनि यी दुवै एयरलाइन्सले विभिन्न मुलुकबाट नौ उडान गर्ने विमानस्थलले तालिका बनाएको छ ।
