भान्सामा प्रयोग गरिने हरिया, राता, पहेँला, निला र सेता फलफूल तथा तरकारीमा पाइने पोषणतत्त्वबारे धेरैलाई थाहा नहुन सक्छ । यस्ता रंगीन आहार (कलरफुल डाइट)मा नेत्रज्योति वृद्धि गर्ने, दाँत र हड्डी बलियो बनाउने, छाला सुन्दर बनाउने, मुट–फोक्सो बलियो बनाउनेलगायतका तत्त्व पाइन्छन् ।
आँखाको ज्योति वृद्धि
हरिया सागपात, बन्दागोभी, सिमी, ब्रोकाउली, हरियो प्याज, हरियो मटर, नासपाती, हरियो अंगुर र हरियो स्याउमा आँखाको ज्योति बढाउने क्षमता हुन्छ । यस्ता हरिया फलफूल तथा तरकारीलाई वैदिक कालदेखि नै औषधिका रूपमा प्रयोग गरिँदै आइएको छ । हरिया रंगका फलफूल तथा तरकारीमा पाइने सल्फोराफिन, इन्डोल, ल्युटिन, आइसोथायोसानेटलगायत पोषणतत्त्वमा आँखाको ज्योति बढाउने क्षमता हुन्छ । यसले दाँत र हड्डी बलियो बनाउँछ । हरिया सागपात नियमित सेवन गर्नाले भिटामिन ए, बी कम्प्लेक्स एवं सी प्राप्त हुन्छ । यसबाट क्याल्सियमको कमी पूरा हुन्छ ।
स्मरण शक्ति बढ्ने
राता रंगका फलफूल तथा तरकारीमा लाइकोपेन र एन्थोसायनिन पाइन्छन् । यसले स्मरणशक्ति बढाउन र क्यान्सर हुने खतरा कम गर्न सहयोग गर्छ । टमाटर, रातो अंगुर, गाजर, स्ट्रबेरी, तरबुजा, रातो खुर्सानी, चेरी, स्याउ, अनारमा पाइने पोषणतत्वले शरीरमा ऊर्जाशक्ति बढाउँछ, दिनभर शरीर फुर्तिलो बनाउँछ । ।
रोग प्रतिरोधक क्षमता बढ्ने
पहेँलो तथा सुन्तला रंगका फलफूल तथा तरकारीमा पाइने अल्फा केरोटिन, बिटा केरोटिन, भिटामिन सी, बायो फ्लेबोनाइड आदिले रोग प्रतिरोधक क्षमता बढाउँछ । छालालाई स्वस्थ र जवान राख्छन् । सुन्तला, कागती, आप, भुइँकटहर, नासपाती, आरु, मेवा, किबी, गाजर, पहेँलो टमाटर, पहेँलो भेंडेखुर्सानी, खरबुजा, मकैले फोक्सो मजबुत बनाउन र हृदयघात हुनबाट बचाउँछ । यस्ता फलपूmल र तरकारीमा रतन्धोमा पनि फाइदा पु¥याउँछन् ।
कोलेस्ट्रोल घटाउँछ
सेता रंगका फलफूल तथा तरकारीमा पाइने एलिसिन, फ्लेबोनाइड आदि न्युट्रिएन्ट्सले कोलेस्ट्रोल लेभल कम गर्छ, मुटु स्वस्थ राख्छ । केरा, मुला, मसरुम, काउली, आलु, सेतो प्याज, लसुनले क्यान्सर वा ट्युमर हुने सम्भावना पनि कम गर्छ ।
मुटु मजबुत
निलो रंगका आलुबखडा, पर्पल अंगुर, ब्ल्याक बेरी, ब्लु बेरी, पर्पल बन्दागोभी, भान्टा फल तथा तरकारीमा पाइने एन्थोसायनिनले छालालाई स्वस्थ र जवान राख्छ । यसले मुटु मजबुत बनाउनुका साथै क्यान्सर हुने सम्भावना पनि कम गर्छ ।
