काठमाडौं– नेपालमा लकडाउन पूर्ण रूपमा हटेकाे छ । मंगलबार बसेकाे मन्त्रीपिरषदकाे बैठकबाट लकडाउन हटाउने निणर्य गिरएकाे हाे ।
अर्थमन्त्री डा. युवराज खतिवडाले मन्त्रिपरिषद् बैठकको निर्णय सुनाउँदै मंगलबार राति १२ बजेबाट लागू हुने गरी लकडाउन पूर्ण रुपमा खुलाइएकाे जनाएका छन् । खतिवडाले भने, ‘अब लकडाउन अन्त्य भयो । लकडाउनले हामीलाई मनोवैज्ञानिक त्रास दियो । आज रातिबाट लकडाउन रहेन ।’
उनका अनुसार शैक्षिक संस्था भने तत्कालै खुल्ने छैन । ‘अनलाइन तथा वैकल्पिक विधि प्रयोग गरेर पठनपाठनलाई निरन्तरता दिइनेछ । यसो गर्दा शैक्षिक सत्र बिग्रँदैन,’ उनले भने । उनले नेपालमा कोरोना संक्रमण दर कम भएमा भदौअघि नै विद्यालय सञ्चालनसम्बन्धी थप निर्णय हुने जानकारी दिए ।
त्यस्तै, उनले सार्वजनिक र निजी यातायात नियमित रूपमा चलाउन पाइने जानकारी दिए । ‘जोर बिजोरबिनै यातायात नियमित रूपमा चल्छन् । धेरै किसिमका गतिविधि नियमित हुने हुँदा दैनिकी सहज हुँदै जान्छ,’ खतिवडाले भने ।
खतिवडाले लकडाउन हट्यो भनेर जथाभावी नगर्न र जनस्वास्थ्य सुरक्षाका उपाय अपनाउन आग्रहसमेत गरेका छन् ।
