काठमाडौं । गायक भुवन प्यासी पहिलो पटक तीज गीत लिएर बजारमा आएका छन् । गायक प्यासीले आफ्नै शब्द तथा संगीतमा ‘लेहेंगा हरर’ बोलको गीत सार्वजनिक गरेका हुन् । गीतमा संगीत संयोजन भने राजेन्द्र बजागाईंले गरेका छन् ।
गीतको म्यूजिक भिडियो पनि सार्वजनिक गरिएको छ । सुशान कँडेले निर्देशन गरेको गीतको म्यूजिक भिडियोमा आकृति लामिछाने, करुण विसी, सञ्जु पाठक, देव एलोन, राज सुनार तथा कञ्चन सुनारले अभिनय गरेका छन् ।
सुरज खनालले छायांकन गरेको म्यूजिक भिडियो सम्पादन विकास धमलाले गरेका हुन् । म्यूजिक भिडियोमा सिर्जन बरालको कोरियोग्राफी देख्न सकिन्छ । गायक प्यासीका ‘हे बरै’, ‘माईली’, ‘ट्राफिक जाम’ लगायतका गीत चर्चामा छन् ।
यस्तो छ गीतको म्यूजिक भिडियो :
