काठमाडौं– गायिका सोफिया थापाको ‘यसपालिको तीज, नो ब्रत प्लिज’ गीत तत्कालका लागि हाइलाइट्स नेपालको युट्युब एकाउन्टबाट हटाइएको छ । गीत हटाउन दबाब आएपछि गीत हटाइएको हाइलाइट्स नेपालले जनाएको छ ।
गीत हटाउने मनसाय नभएको गायिका थापाले बताएकी छिन् । हिन्दू जागरण नेपालबाट हाइलाइट्स नेपाललाई गीत हटाउन आधिकारिक पत्र आएकाे थिए । यसपछि हाइलाइट्स नेपालकाे अनुराेधमा तत्काललाई गीत हटाउन सहमति दिएको थापाले बताएकी छन् ।
गायिका थापाले आफूले गीत हटाउनुपर्ने खालको कुनै अपराध नगरेको बताएकी छन् । उनले भनिन्, 'सर्जकको स्वतन्त्रतामाथि हस्तक्षेप भएको छ । यो सम्पूर्ण सर्जकका लागि घात हो ।'
गीतले परम्परागत संस्कारमाथि प्रहार गरेको भन्दै हिन्दू जागरण समाजले पटक पटक फोन गरेर गीत हटाउन दबाब दिएको थियो ।
यो पनि पढ्नुहोस्:
श्रीमतीको गीतबारे मनोज पण्डितलाई आए यस्तो फोन (फोन वार्तासहित)
धम्की आएपनि गीत नहटाउने गायिका सोफियाको अडान
