काठमाडौं- नेपाली बजारमा आज सुनको मूल्य प्रतितोला ५ सयले वृद्धि भएको छ । नेपाल सुनचाँदी व्यवसायी महासङ्घले बिहीबारका लागि छापावाला सुनको मूल्य प्रतितोला ९४ हजार ५०० र तेजाबी सुनको मूल्य प्रतितोला ९५ हजार ६५ निर्धारण गरेको छ ।
बुधबार एकैदिन सुनको मूल्य प्रतितोला १ हजार ३०० ले बढेको थियो । त्यस्तै छापावाला सुनको मूल्य प्रतितोला ९४ हजार र तेजाबी सुनको मूल्य प्रतितोला ९३ हजार ५ सय ६० रूपैयाँ तोकिएको थियो ।
यस्तै चाँदीको मूल्य पनि प्रतितोला १० ले वृद्धि भएर एक हजार १४५ पुगेको छ । –रासस
