काठमाडौं - धादिङमा भैँसी बचाउन जाँदा पहिरोले पुरिएर गए राती एक जनाको मृत्यु भएको छ ।
थाक्रे गाउँपालिका–६ रानीबारी कार्कीगाउँमा पहिरोले पुर्दा ५४ वर्षीय सानुबाबु पन्थको मृत्यु भएको जिल्ला प्रहरी कार्यालयले जानकारी दिएको छ ।
रातीको समयमा गोठमाथीबाट पहिरो झर्न लागेपछि भैँसी फुकाउन जाँदा गोठमा पहिरोले थिचेर पन्थको ज्यान गएको हो ।
पहिरोले पुरेर एउटा भैँसी, एउटा बाख्रासमेत मरेको स्थानीय हरि थापाले बताए ।
यो सहित धादिङमा बाढीपहिरोबाट मृत्यु हुनेको संख्या ५ पुगेको छ । – रासस
