काठमाडौं– गायक नवीन के भट्टराई ‘म त हार्दिन्छु है तिमीसँगै’ भन्दै आएका छन् । नवीनले गीतकार रोशन सुवेदीको गीतलाई आफ्नो स्वर–सङ्गीतमार्फत प्रेमिल बनाएका हुन् ।
प्रेमी–प्रेमिकाप्रति समर्पित ‘स्विकार्दिन्छु अँधेरी सबै’ भन्दै रोशनले प्रेमिल त्यागको प्रसंगमा लेखेकाे गीतमा नवीनको परिचित र स्थापित ‘ट्युनिङ’ सुन्न सकिन्छ । अझै पनि युवा पुस्ताका ढुकढुकीका रुपमा परिचत नवीनको यो नयाँ गीतमा विशाल पौडेलले संगीत संयोजन गरेका छन् ।
एसटुएस (श्रेशन)ले गीतकाे भिडियाे निर्देशन गरेका हुन् । कथात्मक शैलीको म्युजिक भिडियोमा सुमी श्रेष्ठ र सुदित श्रेष्ठको प्रेमिल जोडी देखिन्छ ।
