काठमाडौं– नेपाल उद्योग वाणिज्य महासंघको साधारणसभा एवं निर्वाचन स्थगित भएकामा एउटा समूहले असन्तुष्टि जनाएको छ । वरिष्ठ उपाध्यक्ष पदका उम्मेदवार चन्द्रप्रसाद ढकाललगायतको समूहले साधारणसभा स्थगित भएकामा असन्तुष्टि जनाएको हो ।
कार्यसमितिको बैठकले अधिकार मिचेर पदाधिकारीको आकस्मिक बैठकबाट निर्वाचनलाई अनिश्चितकालका लागि धकेलेको भन्दै सो समूहले असन्तुष्टि जनाएको हो ।
महासंघको पूर्वअध्यक्षसहितको बिहीबारको बैठकले सरकारले सभा सम्मेलन गर्न पाउने गरी निर्णय गरेको १५ दिनपछि साधारणसभा गर्ने निर्णय गरेको थियो ।
कोरोनाका कारण गत चैतमा साधारणसभा हुन नसकेपछि महासंघले यही साउन २६ र २७ गते आयोजना गर्ने यसअघि निर्णय गरेको
थियो । पत्रकार सम्मेलनमा पूर्ववरिष्ठ उपाध्यक्ष भास्करराज राजकर्णिकार, वस्तुगत महासंघकातर्फबाट उपाध्यक्षका उम्मेदवार उमेशलाल श्रेष्ठ, एसोसिएट तर्फका उपाध्यक्ष रामचन्द्र सङ्घई र जिल्ला वाणिज्यतर्फका उपाध्यक्षका उम्मेदवार गुणनिधि तिवारीलगायत उपस्थित थिए ।
