एजेन्सी - इटालियन सिरी ‘ए’ मा एसी मिलान र एटलान्टाले १–१ गोल गर्दै बराबरी खेलेका छन् ।
शुक्रबार राति मिलानोमा भएको खेलमा १४ औं मिनेटमा मिलानका हाकानले कलहानोग्लुले फ्रिकिकबाट गोल गर्दै अग्रता दिलाएका थिए ।
खेलको २४ औं मिनेटमा एटलान्टाले पेनाल्टी पाए पनि गोल गर्न सकेन ।
मिलानका लुकास बिजिलाले एटलान्टाका रुस्लान मालिनोभ्स्कीलाई फउल गरेपछि एटलान्टाले पेनाल्टी पाएको थियो ।
यद्दपी एटलान्टाका डुभान जापटाले ३४ औं मिनेटमा गोल गर्दै खेललाई बराबरीमा ल्याए ।
खेलमा थप कुनै गोल हुन नसक्दा दुवै क्लबले समान अंक बाढ्दै बराबरीमा चित्त बुझाउन पर्यो ।
यो संगै मिलानको ३६ खेलबाट ६० अंक रहेको छ भने समान खेलका साथ एटलान्टाको ७५ अंक पुगेको छ ।
