एजेन्सी - इटालियन सिरी ‘ए’ मा लाजियोले हेलास भेरोनामाथि सानदार जित हासिल गरेको छ ।
हेलास भेरोनालाई लाजियोले उसकै मैदानमा ५–१ गोलको फराकिलो अन्तरले हराएको हो । लाजियोको जितमा सिरोले ह्याट्रिक गरे भने सेर्गेज मिलिन्किोभिक साभिक र जोआक्विन कोरेराले १÷१ गोल गरेका थिए ।
हेलास भेरोनाका सोफ्यान अम्राबाटले सान्त्वना गोल गरे । भेरोनाले ३८ औं मिनेटमा अम्राबाटको गोलबाट अग्रता बनाएपनि लज्जास्पद हारका कारण स्तब्ध बन्यो । पहिलो हाफको इन्ज्युरी समयमा लाजियोका सिरो इम्मोबिलेले पेनाल्टीमार्फत गोल गरेपछि खेल बराबरीमा फर्कियो ।
लाजियोका सेर्गेजले ५६ औं मिनेटमा गोल गर्दै क्लबलाई २–१ को अग्रता दिलाए । खेलमा कोरेलाले ६३ औं मिनेटमा, सिरोले ८४औं मिनेटमा र इन्ज्युरी समयको थप सयममा गोल गरेपछि उनले व्यक्तिगत ३ गोल गर्दै ह्याट्रिक गरे भने लाजियोले ५–१ को फराकिलो जित निकाल्यो ।
यो जितसंगै पछि लाजियोले ३६ खेलबाट ७५ अंक बनाएको छ भने भेरोनाले समान खेलबाट ४६ अंक बटुलेको छ ।
