काठमाडौं– पछिल्लो २४ घण्टामा नेपालमा १ सय ३९ जनामा कोरोना संक्रमण पुष्टि भएको छ । यो सँगै नेपालमा १८ हजार ७ सय ५२ जना मानिसमा कोरोना संक्रमण पुष्टि भएको छ ।
यसैबिच, पछिल्लो २४ घण्टामा ६ सय २६ जना संक्रमण मुक्त भएका छन् । उनीहरु सोमबार उपचारपछि निको भएर घर फर्किएका छन् । यो सँगै नेपालमा उपचारपछि घर फर्कनेको संख्या १३ हजार ७ सय ५४ जना पुगेको छ । ४ हजार ९ सय ५० जना संक्रमित अहिले पनि देशका विभिन्न अस्पतालमा उपचार गराईरहेका छन् ।
अहिलेसम्म नेपालमा ३ लाख ४७ हजार २ सय ७५ जनामा मानिसको पिसिआर परिक्षण गरिएको छ । अहिले पनि देशभरका विभिन्न क्वरेन्टीनमा १६ हजार ३ सय ७१ जना रहेका छन् । नेपालमा कोरोनाबाट ४८ जनाको मृत्यु भैसकेको छ ।
