काठमाडौं– शिक्षाशास्त्र संकायको परीक्षा मिति तोकिएको छ । शिक्षाशास्त्र संकाय डिनको कार्यालयले आज सूचना प्रकाशित गरेर भदाै चौथो सातादेखि परीक्षा सञ्चालन हुने जनाएको छ ।
सूचनामा स्नातक र स्नातकोत्तर (खुला तथा दूर सिकाइ)को परीक्षा भदौको चोथो सातादेखि हुने उल्लेख छ । त्यस्तै, स्नातकोत्तर दोस्रो सेमेस्टर असोज पहिलो साता, चौथो सेमेस्टर असोज चौथो साता, स्नातक आठौं सेमेस्टर असोज पहिलो साता र स्नातक प्रथम र छैटौँ सेमेस्टरको परीक्षा असोज तेस्रो साता हुने जनाइएको छ ।
त्रिविले लकडाउनका कारण स्थगित परीक्षा सञ्चालनको मिति तोक्दै आएको छ । यसअघि व्यवस्थापन संकायको परीक्षा मिति तोकिएको थियो ।
