काठमाडौं - पूर्वपश्चिम राजमार्गअन्तर्गत चितवन रत्ननगर नगरपालिका–३ तरकारीचोकमा गएराति ट्रकले ठक्कर दिँदा स्कुटर चालकको मृत्यु भएको छ ।
अन्दाजी ३१ वर्षीय पुरुषको पुरानो मेडिकल कलेजमा उपचारका क्रममा मृत्यु भएको इलाका प्रहरी कार्यालय टाँडीले जनाएको छ ।
मृतकको अहिलेसम्म सनाखत हुन सकेको छैन ।
पूर्वबाट पश्चिमतर्फ आइरहेको ना४ख ४१५५ नंको ट्रकले विपरीत दिशातर्फ गइरहेको ना४७ प ६१८९ नंको स्कुटरलाई ठक्कर दिएको हो ।
ट्रकलाई नियन्त्रणमा लिइएको तर चालक भने फरार रहेको प्रहरीले जनाएको छ । रासस
