काडमाडौं– धितोपत्र बजारमा आज सेयर कारोबार मापक नेप्से परिसूचक झन्डै आठ अंकले ओरालो लागेको छ । नेपाल स्टक एक्सचेञ्जका अनुसार नेप्से ७.५९ ले घटेर एक हजार ४५४.८९ मा झरेको छ ।
यस्तै, सेन्सेटिभ परिसूचक १.६४ ले घटेर ३०५.६७ पुगेको छ । कूल १ सय ८५ कम्पनीको ३२ लाख ४७ हजार ६८ कित्ता सेयर १ अर्ब २५ करोड ९७ लाख ५१ हजार ५ सय ५७ मूलयमा खरिद बिक्री भए ।
स्टकका अनुसार आज कारोबार भएका कूल १२ उपसमूहमध्ये आज दुई उपसमूहको मात्रै सेयर उकालो लागेको छ । १० उपसमूहको सेयर भने ओरालो लागेको छ । वित्त ०.१२ र सामूहिक लगानी कोष ०.१४ अंकले बढेका छन् ।
बैंकिङ ६.७२, व्यापार १७.३२, होटल २.९८, विकास बैंक १२.३, जलविद्युत् ३.६३, निर्जीवन बिमा ५७.६१, उत्पादन ३८.३४, अन्य ०.९७, लघुवित्त ९.९९ र जीवन बिमा ५०.५१ ले घटेको छ । स्टकका अनुसार आज कारोबारमा आधारमा नेपाल पुनर्बिमा कम्पनी शीर्ष स्थानमा रहेको छ । सो कम्पनीको १० करोड ३५ लाख ७६ हजार १५९ बराबरको कारोबार भयो ।
यस्तै, नेपाल लाइफ इन्स्योरेन्स कम्पनीको ९ करोड ८९ लाख २८ हजार ९०८, एनएमबी बैंक ६ करोड ४१ लाख ९१ हजार ४५६, एनआइसी एसिया ५ करोड ६२ लाख ७० हजार ४०, हिमालयन डिस्टिलरी ५ करोड ४५ लाख ९१ हजार ३५९, एनआइसी एसिया लघुवित्त ४ करोड ९४ लाख ७८ हजार ७९० बराबरको कारोबार भई शीर्ष स्थानमा रहे ।
स्टकका अनुसार मिर्मिरे माइक्रो फाइनान्स ९.९४, जोशी हाइड्रोपावर ९.०९, मल्टिपर्पोज फाइनान्स ५.५६, हिमालयन पावर पार्टनर ५.३०,एनआइसी एसिया ब्यालेन्स फन्ड ४.२८ र श्री इन्भेस्टमेन्ट फाइनान्सका लगानीकर्ताले ३.९२ प्रतिशतले कमाए ।
यस्तै, पोखरा फाइनान्स ५.०३, नेपाल हाइड्रो ३.०१, तिनाउ मिसन डेभलपमेन्ट बैंक २.८६, राष्ट्रिय बिमा कम्पनीको संस्थापक सेयर २.८५ र हिमालयन जनरल इन्स्योरेन्सका सेयरधनीले २.५७ प्रतिशतले गुमाए ।– रासस
