काठमाडौं– धितोपत्र बजारमा सेयर कारोबार मापक नेप्से परिसूचक साढे सात अंकले वृद्धि भएको छ । नेपाल स्टक एक्सचेञ्जका अनुसार साताको आज अन्तिम दिन नेप्से ७.५३ बिन्दुले बढेर १ हजार ४३९.०६ मा पुगेको छ । यस्तै, सेन्सेटिभ परिसूचक ०.४६ अंकले वृद्धि भई ३००.९५ पुगेको छ ।
कुल १ सय ८९ कम्पनीका ३४ लाख ३० हजार ५ सय ५३ कित्ता सेयर १ अर्ब ३२ करोड २ लाख ६६ हजार ६ सय ७८ मूल्यमा खरिद बिक्री भयो । बजार पुँजीकरणका आधारमा आज कुल सेयर बजार १८ खर्ब ९४ अर्ब ५२ करोड १७ लाख बराबरको भएको छ ।
कारोबार भएका कुल १२ वटै उपसमूहको सेयर आज उकालो लागेको छ । त्यसमा बैंकिङ ५.०३, व्यापार ३.७, होटल १३.८८, विकास बैंक ०.९२, जलविद्युत् ७.४२, वित्त ५.९५, निर्जीवन बिमा ५०.४६, उत्पादन २७.१८, अन्य ४.७, लघुवित्त १५.०२, जीवन बिमा ५५.४९ र सामूहिक लगानी कोष ०.०७ अंकले बढेको छ ।
कारोबारका आधारमा नेपाल पुनबिर्मा कम्पनी शीर्ष स्थानमा रहेको छ । सो कम्पनीको प्रतिकित्ता ५ सइ ९९ को दरले २२ करोड ९१ लाख ५५ हजार ६३ बराबरको कारोब्ँर भई शीर्ष स्थानमा रह्यो । यस्तै, नेपाल लाइफ इन्स्योरेन्स ८ करोड ९५ लाख ५६ हजार २०३, एनआइसी एीसयाको ५ करोड ९ लाख ४४ हजार ६४४, शिखर इन्स्योरेन्सको ४ करोड ९७ लाख ८० हजार ६९९, एनएमबी बैंक ४ करोड ६१ लाख ५७ हजार ८७० र एनआइसी एसिया लघुवित्तको ३ करोड ५६ लाख ४६ हजार ८१० बराबरको कारोबार भई शीर्ष स्थानमा रह्यो ।
आज सबैभन्दा बढी खानीखोला हाइड्रोपावरका लगानीकर्ताले सर्वाधिक १० प्रतिशतले कमाए । यस्तै, चौतारी लघुवित्त ९.४६, पञ्चकन्यामाई हाइड्रोपावर ९.८६, नेसनल हाइड्रोपावर ९.८०, हिमालयन ऊर्जा ९.६८, रैराङ हाइड्रोपावर ९.६८, आँखुखोला जलविद्युत् कम्पनी ९.६२ र युनियन हाइड्रोपावरका सेयरधनीले ९.०९ प्रतिशतले कमाए । तर आज उकालो लागेका अधिकांश जलविद्युत् कम्पनीको सेयर प्रतिकित्ता १०० भन्दा कम मूल्यका छन् ।
यसैगरी घोडाघोडी लघुवित्तका शेयरधनीले ९।८५ प्रतिशतले गुमाएका छन् । यस्तै गुराँस लघुवित्त ५.२४, प्रोग्रेसिभ फाइनान्स ३.७०, मल्टीप्रपोज फाइनान्स ३.४५, आइएमई जनरल इन्स्योरेन्स २.९३, सपोर्ट माइक्रोफाइनान्स २.८७ र गुडवील फाइनान्सका लगानीकर्ताले १.९५ प्रतिशतले गुमाए । –रासस
