काठमाडौं - रोल्पाको रुन्टिगढी गाउँपालिका–६ सालबाङमा कुटपिटबाट एक युवको मुत्यु भएको छ ।
युवकको मृत्यु भएपछि १४ युवालाई पक्राउ गरेको जिल्ला प्रहरी कार्यालय रोल्पाले जनाएको छ ।
पक्राउ पर्नेमा स्थानीय युवा भीमबहादुर बस्नेत, झुपलाल बुढा, प्रेमबहादुर बुढाथोकी, चेतलाल साहु, चन्द्रलाल रोका, दिलबहादुर रोका, टोपेन्द्र साहु, धनसिंह बुढाथोकी, कमल बस्नेत, प्रकाश बुढा, ठगेन्द्र बुढा, प्रेम बुढा, तिलबहादुर चलाउने र हीराबहादुर बुढाथोकी रहेका छन् ।
सोही ठाउँका २४ वर्षीय ईश्वर बस्नेतले छिमेकी गाउँका टेकबहादुर बुढालाई गोठबाट घर फर्कँदै गर्दा शनिबार राति लुटेको आरोपमा कुटपिट गर्दा उनको मुत्यु भएको प्रहरी नायब उपरीक्षक चित्रबहादुर गुरुङले बताए ।
आरोपित बस्नेतले पाँच हजार रुपैयाँ र घडी लुटेको टेकबहादुर बस्नेतले बताएका छन् ।
बस्नेतको उपचारमा लाने क्रममा बाटोमा नै मृत्यु भएको थियो ।
घटनाकाबारे अनुसन्धान भइरहेको प्रहरीले जनाएको छ । रासस
