काठमाडौं– गायक तथा संगीतकार बसन्त थापाको नयाँ गीत बजारमा आएको छ । थापाले आफ्नै शब्द संगीतमा ‘साडी राम्रो’ बोलको गीत सार्वजनिक गरेका छन् । गीतमा संगीत संयोजन भने अशोक लोहारुङ राईले गरेका छन् ।
सार्वजनिक गीतको म्यूजिक भिडियो पनि सार्वजनिक गरिएको छ । समन अधिकारीले निर्देशन गरेको म्यूजिक भिडियोमा एसराज र बिनु शाक्यले अभिनय गरेका छन् । यि जोडी कलाकारलाई बालकलाकार आयुशी शाक्यले साथ दिएकी छिन् ।
फराज अर्पणले छायांकन गरेको म्यूजिक भिडियो सम्पादन सुरेन्द्र बसेलले गरेका हुन् । भिडियोमा कोरियोग्राफी पनि बसेलले नै गरेका हुन् ।
