काठमाडौं– गायक तथा संगीतकार शान भुसालको ‘अलि अलि’ बोलको गीत सार्वजनिक भएको छ । भिडियोमा स्वस्तिमा खड्का र आकाश श्रेष्ठको अभिनय रहेको छ ।
२०६० सालदेखि संगीतलाई निरन्तरता दिइरहेका संगीतकार शान भुसालले राजनीति सिनेमाबाट आफ्नो सांगितिक यात्रा अगाडि बढाएका हुन् । हाल देश बाहिर रहेका शान भुसालले आफ्नो सांगीतिक यात्रा जारी राखेका छन् । भुषालका यसअघि थोरै सास, भाग्य, म तिमीलगायतका गीत सार्वजनिक भईसकेका छन् ।
फरक प्याटर्नका गीत सिर्जना गर्न रुचाउने शानले प्रायः आफैं शब्द लेख्ने गर्छन् । भर्खरै सार्वजनिक भएको अलि अलि बोलको गीतमा शब्द, संगीत स्वयंको छ भने गायिकामा शानलाई सुनिता कार्कीले साथ दिएकी छन् ।
सनीरको एरेन्जमेन्ट रहेको उक्त गीतमा कृष्णमान महर्जनको मिक्सिङ रहेको छ । भिडियो उत्सव दाहालले खिचेका हुन् भने रोशन लामाको निर्देशन रहेको छ । सम्पादन विकास दाहालको रहेको छ ।
