काठमाडौं– गायिका मेलिना राईको आवाजमा एउटा गीत सार्वजनिक भयो । ‘आएन खबर’ बोलको सार्वजनिक गीतमा कलाकार लक्ष्मी बर्देवा र जीवन भट्टराईले जीवन्त अभिनय गरेका छन् ।
गीतमा विदेशिएका श्रीमानको पर्खाइमा रहेकी श्रीमतीको पीडा समेटिएको छ । गीत चिन्तामणि शिवाकोटीले लेखेका हुन् । संगीत हरि लम्सालले गरेका हुन् ।
गीतको म्युजिक भिडियो निर्देशन पनि लक्ष्मी र जीवनले संयुक्त रुपमा गरेका छन् ।
