काठमाडौं– गायक सन्तोष लामाको नयाँ गीत सार्वजनिक भएको छ । ‘डर छैन्...’ बोलको सार्वजनिक गीतको म्यूजिक भिडियोमा अभिनेता विपीन कार्कीले अभिनय गरेका छन् । नारायण गौतमले लेखेको उक्त गीतमा हरि लम्सालले संगीत गरेका छन् ।
गीतको म्यूजिक भिडियो निकेश खड्काले निर्देशन गरेका हुन् । म्यूजिक भिडियोमा विपीन कार्की भरियाको भूमिकामा प्रस्तुत भएका छन् । भिडियोमा उनको दैनिकी देखाइएको छ ।
विपिन कार्कीलाई अभिनयमा लोकमणि सापकोटा र स्रवानी थापाले अभिनयमा साथ दिएका छन् । हरि हुमागाईंले छायांकन गरेको भिडियो सम्पादन विकास धमलाले गरेका हुन् ।
