काठमाडौं - लोकदोहोरी गीत ‘गलबन्दी’को म्युजिक भिडियोले युट्युबमा राम्रो भ्यूज पाएको छ । गत वर्ष सार्वजनिक भएको यो गीतले हालसम्म चार करोड १४ लाख बढी भ्यूज बटुलेको छ ।
सार्वजनिक भएको केही सातासम्म उक्त गीत युट्युबमा सर्वाधिक हेरिएको मध्ये नं एकमा आएको थियो । गलबन्दीमा प्रकाश सपुत र शान्ति श्री परियारको स्वर छ ।
शब्द, सङ्गीत र भिडिओ निर्देशन पनि सपुतकै छ । म्युजिक भिडियोमा सपुत र अञ्जली अधिकारीको अभिनय छ । भिडियो छायाङ्कन सपुतकै जन्मघर बागलुङ धम्जामा गरिएको थियो ।
गीतले परम्परागत रोधीको झल्को दिन्छ । सुपतका कथात्मक शैली, अनौपचारिक प्रस्तुति, ठेट सम्वाद र जीवन्त अभिनयले दर्शक गीतमा लोभिन्छन् ।
उनको गत साता सार्वजनिक तीज गीत ‘बदला बरीलै’ पनि अहिले युटयुब ट्रेन्डिङको नं एकमा छ ।
