काठमाडौं–
धितोपत्र बजारमा सोमबार ३७ अंकले वृद्धि भएको सेयर कारोबार मापक नेप्से परिसूचक आज भने ओरालो लागेको छ । नेपाल स्टक एक्सचेन्जका अनुसार आज नेप्से ६.६१ अंकले घटेर १ हजार ४२३.८१ मा पुगेको छ ।
सेन्सेटिभ परिसूचक १.३८ ले घटेर २९७.२७ अंकमा पुगेको छ । आज कुल १९० कम्पनीका ३६ लाख ३० हजार ८४५ कित्ता सेयर १ अर्ब २७ करोड १७ लाख ३८ हजार ९१४ मा खरिदबिक्री भयो । कारोबार भएका १२ मध्ये सामूहिक लागनी कोष उपसमूह मात्र बढेको छ ।
सामूहिक लागनी कोष ०.०२ अंकले बढ्दा बैंकिङ ६.५४, व्यापार १९.२७, होटल ४३.२३, विकास बैंक ९.४२, जलविद्युत् १.०४, वित्त ०.६, निर्जीवन बिमा ३.२१, उत्पादन १६.९९, अन्य ०.५७, लघुवित्त २१.५८ र जीवन बिमा २३.१४ अंकले घटेको छ ।
कारोबार रकमका आधरमा आज नेपाल पुनर्बिमा कम्पनी शीर्ष स्थानमा रह्यो । सो कम्पनीको सेयर १२ करोड १६ लाख ७ हजार ८०६ मा खरिदबिक्री भयो । यस्तै, नेपाल लाइफ इन्स्योरेन्स कम्पनीको ८ करोड ३९ लाख ३९ हजार ६ सय २४, युनाइटेड इन्स्योरेन्सको ४ करोड ७६ लाख ७० जहार ७०७, नेपाल क्रेडिट एण्ड कमर्सियल बैंकको ४ करोड ७० लाख ६६ हजार ६४३, एनएमबी बैंकको ४ करोड ५५ लाख ६४ हजार ७७८, अजोड इन्स्योरेन्सको ४ करोड ५४ लाख ६३ हजार ५८ र एनआइसी एसिया बैंकको ४ करोड २८ लाख ४२ हजार २४८ बराबरको सेयर कारोबार भयो ।
नेप्से घटे पनि आज सबैभन्दा बढी अजोड इन्स्योरेन्सका लागनीकर्ताले ९.९४ प्रतिशतले कमाएका छन् । यस्तै साधना लघुवित्त वित्तीय संस्था ९.८१, युनियन हाइड्रोपावर ८.७७, युनाइटेड इन्स्योरेन्स कम्पनी ५.२२, वेस्ट फाइनान्स ५.१, गुह्वेश्वरी मर्चेन्ट बैंक ४.९२, आँखुखोला जलविद्युत् कम्पनी ३.८५, मिथिला लघुवित्त वित्तीय संस्था ३.८० र राधी विद्युत् कम्पनीका सेयरधनीले ३.५९ प्रतिशतले कमाएका छन् ।
नेपाल फाइनान्सका सेयरधनीले सर्वाधिक ९.८ प्रतिशतले गुमाएका छन् । यस्तै कालिका माइक्रोक्रेडिट डेभलपमेन्ट बैंक ५.४६, गुराँस लघुवित्त वित्तीय संस्था ५.४५, नेपाल सेवा लघुवित्त वित्तीय संस्था ३।८१, कर्णाली डेभलपमेन्ट बैंक ३.७७, आरम्भ चौतारी लघुवित्त वित्तीय संस्था ३.७५, श्री इन्भेस्टमेन्ट फाइनान्स ३.७३, घलेम्दी हाइड्रोपावर ३.५७, ओरियन्टल होटल ३.३५ र सोल्टी होटल लिमिटेडका लगानीकर्ताले ३.११ प्रतिशतले गुमाएको नेप्सेले उल्लेख गरेको छ ।
