काठमाडौं– कमेडी च्याम्पियनको पहिलो सिजनका विजेता हिमेश पन्तले पुरस्कार पाएका छन् । कोरोनाका कारण शो सकिएको लामो समयसम्म हिमेशले पुरस्कार पाएका थिएनन् । ‘कमेडी च्याम्पियन’ निर्माण टिमले बुधबार हिमेशलाई गाडी तथा पुरस्कार रकम हस्तान्तरण गरेको हो ।
पहिलो सिजनमै निक्कै लोकप्रिय बनेको कमेडी च्याम्पियनको दोस्रो सिजनको तयारीमा निर्माण टिम लागेको छ । बुधबार औपचारिक कार्यक्रमको आयोजना गरि हिमेशलाई पुरस्कार हस्तान्तरण गरिएको हो ।
पुरस्कार हस्तान्तरणका लागि दिनेश डिसी, च्याम्पियनका निर्देशक विशाल भण्डारी, कार्यकारी निर्माता केकी अधिकारी र राज घिमिरे उपस्थित भएका थिए ।
