काठमाडौं– गायिका आस्था राउतको ‘फाट्यो माइतीको चिनो’ बोलको गीत सार्वजनिक भएको छ । गीतमा गायिका राउत निक्कै भावुक सुनिएकी छिन् ।
सार्वजनिक गीत संगीतकार सुरेश अधिकारीले लेखेका हुन् । गीतमा संगीत पनि सुरेश अधिकारीलेनै गरेका छन् ।
म्यूजिक भिडियोमा भने कलाकार दिया मास्के देखिएकी छिन् । दियाले मनोज जोशीका साथमा जीवन्त अभिनय गरेकी छिन् ।
शान थापाले निर्देशन गरेको म्यूजिक भिडियोमा अर्जुन तिवारीले क्यामरा चलाएका छन् । तीजको छेको पारेर सार्वजनिक गीतमा माइतीको सम्झनालाई भावनात्मक रुपमा प्रस्तुत गरिएको छ ।
