काठमाडौं - सिन्धुपाल्चोक जिल्लाको जुगल गाउँपालिका –२ लिदीमा पहिरो जाँदा १३ वटा घर पुरिएका छन् ।
शुक्रबार बिहान पहिरो जाँदा १३ घर नदेखिने गरी पुरिएको छ भने ५ घरका परिवार बेपत्ता भएका छन् ।
पहिरोमा परेर सामान्य घाइते भएकाहरु अहिले लप्सेचौर भन्ने स्थानमा बसेका छन् ।
पहिरोमा कति मान्छे परिएका छन् यसको कुनै जानकारी नआइसकेको तर धेरै मान्छे बेपत्ता भएको जुगल गाउँपालिकाका अध्यक्ष होमनारायण श्रेष्ठले जानकारी दिए ।
घरमा पुरिएर घाइते भएकाहरुलाई निकाल्न सकिने अवस्था छैन ।
हेलिकोप्टरको माध्यमबाट उनीलाई उद्धार गर्ने प्रयास भइरहेको श्रेष्ठले बताए ।
