एजेन्सी - दक्षिण अफ्रिकी राष्ट्रपति सिरिल रामफोसाले शनिबारदेखि आफ्नो देशको लकडाउन हटाउने घोषणा गरेका छन् ।
रामफोसाले देशमा कोरोना संक्रमितको संख्यामा कमी आएकाले लकडाउन हटाउने निर्णय गरेको बताएका छन् ।
अफ्रिकी सरकारले विशेष गरी त्यहाँको सुर्ती र रक्सी माथि प्रतिबन्ध लगाएको थियो । लकडाउन खुलेसँगै अब सुर्ती र रक्सीको प्रतिबन्ध पनि हटेको छ ।
त्यसै गरी उनले रेस्टुरेन्ट, स्कूल र कलेजलाई पनि सञ्चालन गर्न अनुमति दिएका छन् । रामफोसाले सामाजिक दूरी र मास्कको प्रयोग गरेर मानिसहरु एक राज्यदेखि अर्को राज्यमा पनि यात्रा गर्न सक्ने बताएका छन् ।
कोरोना भाइरसबाट दक्षिण अफ्रिकामा ५ लाख ८३ हजार ६ सय ५३ मानिस संक्रमित भएका थिए । जसमा ४ लाख ६६ हजार ९ सय ४१ ज्ना निको भएका छन् भने ११ हजार ६ सय ७७ जनाको निधन भएको थियो ।
