काठमाडौं– सिन्धुपाल्चोकको जुगल गाउँपालिका –२ मा गत शुक्रबार गएको पहिरामा परी हराइरहेका व्यक्तिको खोजी कार्य जारी रहेको जानाइएको छ ।
नेपाली सेनाका ४७ जनाले उक्त पहिरामा परी हराइरहेका २० व्यक्तिको खोजी कार्य जारी राखेक छन् ।
गोरखबक्स गणको खोज तथा उद्धार टोलीले सशस्त्र प्रहरी बल नेपाल, नेपाल प्रहरी, स्थानीयको सहयोगमा हालसम्म ४ महिला, तीन पुरुष, ५ पाँच बालिका र ६ बालकको शव फेला पारेको सैनिक जनसम्पर्क तथा सूचना निर्देशनालयले जनाएको छ ।
पीडित परिवारलाई तत्काल राहतका लागि सेनाले हेलिकप्टरबाट खाद्यान्न, लत्ता कपडा, पाललगायत अत्यावश्यक राहत सामग्री उक्त स्थानमा पुर्याइएको निर्देशनालयले बताएको छ ।
